Bleart Tolaj e ka vlerësuar si shumë të rëndësishme fitoren e thellë të Ballkanit ndaj BATE Borosivit në ndeshjen e parë të plejofit në Ligën e Konferencës.
Tolaj shënoi dy gola në triumfin e Ballkanit me rezultatin 4:1 në duelin e luajtur në Prishtinë.
Ai ka thënë se me paraqitjen e treguar dhe fitoren në duelin e parë ndaj BATE-s, Ballkani e meriton kualifikimin në fazën e grupeve të Ligës së Konferencës.
“Duke pasur parasysh rastet që kishim, besoj që kemi mundur të shënojmë edhe më shumë gola. Me lojën tonë treguam paraqitje të mirë dhe nuk u dorëzuam edhe pse ishim në disavantazh. Duke pasur parasysh se BATE është emër i madh që ka luajtur në fazën e grupeve të Championsit, kemi ditur se do të jetë një kundërshtar i fortë por që e kemi analizuar mirë. Me lojën dhe fitoren e arritur në këtë ndeshje, ne dëshmuam se meritojmë të luajmë në fazën e grupeve të Ligës së Konferencës. Rezultati i thellë, por duhet të shkojmë atje dhe të tregohemi të kujdesshëm”, është shprehur Tolaj.
-
Ballkani i vendosur ta konfirmojë kalimin në grupe me fitore edhe në Hungari
-
Tolaj luajti ndeshjen më të mirë në karrierë, shpreson që ky të jetë vetëm fillimi
-
Kuç insiston se fitorja e Ballkanit ishte plotësisht e merituar
-
Ballkani gati për ndeshjet më të rëndësishme të vitit
-
Zhbllokohet rezultati në ndeshjen Prishtina e Re – Ballkani