Qendërmbrojtësi francez Jean-Clair Todibo nuk dëshiron të kthehet te skuadra e Barcelonës pas përfundimit të këtij edicioni. Ai është i vendosur te mbetet te Nice, ekip te i cili u huazua në janar deri në fund të sezonit. Todibo ka deklaruar për mediumet franceze se dëshira e tij është të mbetet te Nice edhe për sezonin e ardhshëm dhe shpreson që ekipi nga Ligue 1, ta shfrytëzojë opsionin e blerjes së tij për 8.5 milionë euro.
“Nuk e di se si do të rrjedhin gjërat pas përfundimit të këtij sezoni por ambicia ime është të mbetem te Nice pasi jam i kënaqur këtu dhe po ndihem shumë mirë”, është shprehur Todibo 21-vjeçar, i cili ka kontratë me Barcelonën deri në vitin 2023. Todibo deri më tani ka pesë paraqitje për Nicen në kampionatin francez.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo