Mesfushori Youri Tielemans ka vendosur që karrierën ta vazhdojë në Spanjë, ka raportuar “Daily Mail” të hënën.
Bëhet e ditur se belgu ka refuzuar ofertat e Liverpoolit, Arsenalit, Manchester Unitedit e Tottenhamit për t’iu bashkuar Real Madridit.
Thuhet se ai tashmë ka arritur marrëveshje personale me Realin, ekip që po negocion me Leicesterin për lirimin e tij.
Skuadra angleze po kërkon rreth 40 milionë euro për 24-vjeçarin, i cili ka refuzuar rinovimin e kontratës që i skadon vitin e ardhshëm.
Te Reali po e shohin reprezentuesin belg si përforcim të duhur për mesfushën. Ai është pjesë e Leicesterit prej vitit 2019, kurse këtë sezon ka shtatë gola e katër asistime në 45 paraqitje.
