Theo Hernandezi është futbollisti i radhës që do të nënshkruajë kontratë të re me Milanin, raporton “Milan News”.
Mbrojtësi francez është pjesë e klubit italian që nga viti 2019 kur ishte transferuar nga Real Madridi për 21.5 milionë euro.
Ai ka pasur paraqitje të mira që nga ardhja e tij te skuadra italiane dhe si rezultat i kësaj, do t’i ofrohet kontrata e re.
Marrëveshja aktuale e Hernandezit me Milanin skadon në verën e vitit 2024. 24-vjeçari vlerësohet rreth 50 milionë euro.
Këtë sezon me Milanin ka shënuar një gol dhe ka bërë pesë asistime në 15 ndeshje në të gjitha garat.
