Kjo verë ka dalluar shumë prej atyre të kaluarave për Shpëtim Idrizin. Për afro dy dekada Idrizi ka shfrytëzuar verën për t'u përgatitur me skuadrën për edicionin e ri të garave në futbollin kosovar. Këtë herë ishte më ndryshe. Ai ishte i angazhuar në stërvitje, por për të përgatitur të tjerët. Jo veten.
Idrizi, kapiteni shumëvjeçar dhe ikona e Trepçës '89 është përshëndetur nga futbolli i luajtur. I ka dhënë fund karrierës si lojtar. Bëhet fjalë për një karrierë të gjatë me rënie-ngritjet e saj të zakonshme, por një karrierë e veçantë dhe me shumë suksese rrugës. Ai ishte prej figurave kryesore të kampionatit të Kosovës për një kohë të gjatë, shkruan sot Koha Ditore.
Ishte lojtar i respektuar nga të gjithë, bashkëlojtarët, ekipet rivale, arbitrat, zyrtarët e Federatës e tifozët. U dallua për angazhimin e madh në fushë, për të majtën e fuqishme e për golat e bukur nga distanca. Me largimin e tij shumë gjëra do t'i mungojnë Trepçës '89, skuadër te e cila ishte kapiten për vite të tëra.
Të premten, kur lojtarët po përgatiteshin për nisje të edicionit të ri, Idrizi ka folur për ndjenjën e vështirë të pensionimit.
(më gjerësisht lexoni sot në “Koha Ditore”)
