Namibia për herë të parë do të paraqitet në fazën nokaut të Kupës së Afrikës në futboll.
Të mërkurën mbrëma, Namibia luajti pa gola me Malin dhe e arriti suksesin historik.
Namibia ka përfunduar e treta në Grupin E me katër pikë, sa i ka edhe Afrika e Jugut në pozitën e dytë. Mali e fitoi grupin me pesë pikë.
Namibia kualifikohet si njëra prej katër përfaqësueseve më të mira të vendit të tretë. Nga grupi E eliminohet Tunizia, që ishte favorite. Tunizia mbeti e fundit me vetëm dy pikë.
Dy lojtarët e Lirisë së Prizreni, Prins Tjiueza dhe Aprocious Petrus startuan te Namibia.
Petrus luajti deri në fund në mesfushë, ndërsa sulmuesi Tjiueza u zëvendësua në minutën e 79-të.
Edhe
Liria mund të mbetet pa lojtarin që po shkëlqen në Kupën e Afrikës
Namibia për herë të katërt paraqitet në Kupën e Afrikës dhe për herë të parë kalon grupin.
Në ndeshjen tjetër të grupit, Afrika e Jugut e Tunizia luajtën po ashtu pa gola.
Tunizia ishte kampione në vitin 2004, ndërsa në vitin 2019 ishte e katërta. Në edicionin e kaluar, në vitin 2021, arriti në çerekfinale. U paraqit mirë edhe në Botërorin 2022, por nuk avancon në Kupën e Afrikës.
