Tri skuadra shqiptare ishin të pranishme në çerekfinale të Kupës në Maqedoninë e Veriut, por vetëm njëra nga to arriti të kalojë tutje për në gjysmëfinale.
Struga Trim&Lum është skuadra e vetme shqiptare në këtë edicion që ka kaluar në gjysmëfinale të Kupës, pasi mposhti Shkëndijën e Tetovës. Ndërkohë, Shkupi u eliminua nga Makedonija GP.
Struga fitoi në Tetovë ndaj Shkëndijës pas ekzekutimit të penalltive me rezultatin 4:3. Tairi, Galevski, Cvetanoski dhe Cake ishin të saktë për struganët nga pika e bardhë ndërsa dështoi Kocoski. Te Shkëndija shënuan Krivak, Dita, Neziri, teksa nuk realizuan Guri dhe Nafiu.
Në fakt, të gjitha ndeshjet çerekfinale që u zhvilluan të mërkurën u vendosën në penallti. Shkupi humbi 4:1 nga Makedonija, ndërsa në gjysmëfinale shkoi edhe Sileksi pasi mposhti Bregalnican me rezultatin 5:4. Koha e rregullt përfundoi 1:1.
Dueli mes Pelisterit dhe Vardarit do të luhet më 15 dhjetor. U shty për shkak të fushës së rënduar.
