Barcelona po kalon momente jo të mira në Ligën e Kampionëve këtë sezon. Klubi nga Katalonja ka startin më të dobët në histori në garat evropiane.
Në dy ndeshje që i ka zhvilluar deri me tani, ka pësuar dy humbje dhe renditet e fundit në grupin E.
U mposht në “Camp Nou” nga Bayern Munichu 3:0 dhe të mërkurën mbrëma humbi edhe nga Benfica po ashtu 3:0.
Në dy ndeshje, Barça nuk e ka shënuar asnjë gol, kurse ka pësuar gjashtë gola.
Kjo është hera e parë në histori që Barcelona nuk ia ka dalë të shënojë në dy ndeshjet e para në garat evropiane.
Ndërkohë është hera e dytë që Barça pëson dy humbje rresht në garat që organizon UEFA.
Edhe
Barcelona në pritje të rikuperimit, eliminimi nga Championsi krijon më shumë probleme për Xavin
Herën e parë dy disfata i kishte në sezonin 1972/73, ku ishte mposhtur nga Porto në raundin e parë dhe ishte eliminuar.
Barcelona është pesë herë kampione e Evropës. Herën e fundit në vitin 2015.
