Duke folur për Stadiumin Kombëtar të Kosovës, me besimin se ai do nisë së ndërtuari në tetor e do të përfundojë për dy vjet, kryetari i Federatës së Futbollit të Kosovës ka bërë të ditur se do të bëhet edhe shtimi i kapacitetit të ulëseve në stadiumin “Fadil Vokrri” në Prishtinë.
Agim Ademi në Sportin Total në KTV ka thënë se ky projekt parasheh rritjen e kapacitetit në tribunën lindore, jugore dhe veriore.
Sipas tij, gjithçka do të bëhet për shkak të kërkesave të shumta të qytetarëve që të përcjellin nga afër ndeshjet e Kosovës.
“Shpresoj dhe besoj që Stadiumi Nacional të nisë në tetor, afati është për dy vjet. Ka kosto rreth 50-60 milionë euro. Është projekt në kuadër të qeverisë. Përkundër kësaj kam bërë një projekt për shtimin e tribunës lindore, jugore e veriore në “Fadil Vokrri” sepse po kemi problem me bileta e po ndihem keq që po është e pamundshme 1.8 milion klikime me i shpërnda në 10 mijë bileta”, ka thënë ai.
-
“Fadil Vokrri” mezi po mirëmbahet, ndërsa Komuna e Prishtinës dhe FFK-ja flasin për stadiumin e ri me 25 mijë ulëse
-
Stadiumi “Fadil Vokrri” pritet të bëhet me 21 mijë ulëse
-
FFK-ja insiston në projektin për zgjerimin e tribunës së “Fadil Vokrrit”
-
Komuna e Prishtinës diskuton me FFK-në për zgjerim të kapaciteteve të stadiumit “Fadil Vokrri”
-
Pas 5 vjetësh premtim, stadiumi nga letra kalon në maket