Llapi është skuadra elitare në futbollin e Kosovës, që kërkon daljen në Evropë, përmes kampionatit ose Kupës.
Klubi nga Podujeva vazhdimisht është përballur me problemet infrastrukturore, të cilat ende nuk janë zgjidhur.
Stadiumi “Zahir Pajaziti”, që dikur ishte bërë hit në mediat kosovare dhe më gjerë për baltën e madhe, tani nuk e ka më atë problem, pasi fusha është rregulluar me bari artificial, pas investimit të Ministrisë së Sportit së bashku me Komunën e Podujevës.
Por, problem i madh mbeten zhveshtoret dhe tribunat, të cilat janë në gjendje të mjerueshme.