San Antonio Spurs janë fitues të mëdhenj të draftit të NBA që u mbajt të mërkurën pas mesnate dhe kanë një të ardhme të ndritur me basketbollistin francez Victor Wembanyama (19 vjeç).
Spurs dolën të parët në shortin e sivjetshëm të draftit dhe fituan të drejtën e zgjedhjes së parë, e cila me siguri do të jetë qendra e mrekullueshme 220 centimetra e gjatë, e shkëlqyer nën kosh, por edhe tejet kreative, Wembanyama. Zgjedhja nga drafti do të bëhet më 22 qershor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPikërisht për shkak të Wembanyamas drafti i këtij viti është më i prituri që nga ai i vitit 2003, kur Cleveland zgjodhi të parin, gjimnazistin me emrin LeBron James. 19-vjeçari është basketbollisti që është vlerësuar me perspektivën më të madhe që nga LeBron James.
Wembanyama është basketbollist i skuadrës franceze Boulogne-Levallois Metropolitans. Është koshashënuesi më i mirë (21.8 pikë), kërcime më së shumti (10.3) dhe bllokuesi më i mirë (3.0) i ligës franceze dhe u prezantua në SHBA me lojëra të shkëlqyera në Las Vegas.
Rendi i përzgjedhjes në draft u vendos nga shorti, i cili u ndoq me emocion të veçantë në Detroit. Houston Rockets dhe San Antonio fituan avantazhin sepse e mbyllën sezonin me rekordin më të dobët.
Në garë ishin 14 skuadra që nuk arritën në plejof. Katër klube u përfshin në short për të zgjedhur nga katër pozicionet e para (San Antonio, Charlotte, Portland dhe Houston).
Ekipet e tjera vijojnë sipas rekordit të këtij sezoni.
San Antonio dhe Gregg Popovich ishin sërish me fat në zgjedhjen e super talenteve të qendrës. Më herët ishin të parët që zgjodhën legjendarët David Robinson dhe Tim Duncan.