Emisioni Sporti Total në KTV sonte do të transmetohet nga ora 23:00 për shkak të ndryshimit të skemës programore, lidhur me fushatën e partive politike.
Në kuadër të Sportit Total, redaksia e Sportit në KTV, ka përgatitur kronikat nga ndeshjet e IPKO Superligës, xhiroja e shtatë, me theks të veçantë në derbin e madh lokal, ndërmjet Gjilanit e Dritës.
Biseda është realizuar me kryetarin e Komitetit Olimpik të Kosovës, Besim Hasani, i cili ka folur për pritshmëritë e ekipit olimpik për Olimpiadën e Tokios, në vitin e ardhshëm. Hasani ka folur edhe për përfshirjen e politikës në sportin kosovar, problemin me mandatin e kryetarit të FFK-së Agim Ademi, shpenzimet e mëdha të KOK-ut dhe nëse synon një tjetër mandat në krye të KOK-ut.
Këto dhe shumë të tjera, në Sportin Total sonte, nga ora 23:00 në KTV.
