Skuadrat finaliste të turneut “Final 8” të Kupës së Kosovës në basketboll, do të përcaktohen të premten kur edhe zhvillohen dy ndeshjet gjysmëfinale të kësaj gare. Në gjysmëfinalen e parë që nis prej orës 16:00, do të takohen Rahoveci dhe Golden Eagle Ylli ndërsa prej orës 19:00 do të luhet dueli ndërmjet Ponte Prizrenit dhe Sigal Prishtinës.
“Final 8” i Kupës së Kosovës që ka nisur të mërkurën, po mbahet në palestrën “13 Qershori” të Suharekës. Ndeshja finale në konkurrencën e meshkujve do të zhvillohet të dielën prej orës 17:30 ndërsa prej orës 14:00, do të luhet finalja e femrave në të cilën do të përballen KosovaHome Prishtina dhe Bashkimi.
Edicionin e shkuar në këtë garë pati triumfuar skuadra e Pejës, e cila të enjten mbrëma u eliminua në çerekfinale nga Prishtina.sp