Federata Skitare e Kosovës dhe skitarja Sophie Sorschag, kanë nënshkruar të mërkurën kontratën e përbashkët dhe tani austriakja do ta përfaqësojnë Kosovën në garat ndërkombëtare.
Ceremonia e nënshkrimit të kontratës është organizuar në Trieste të Italisë.
24-vjeçarja Sorschag garon në kërcime me ski.
Në këtë disiplinë, ajo u shpall kampione e botës në garat ekipore me Austrinë.
Austrinë, Sorschagu e kishte përfaqësuar deri në vitin 2022, në Lojërat Olimpike Dimërore të organizuara në Pekin.
Edhe
Austriakja Sorschag, krenare që do ta përfaqësojë Kosovën
Sorschag është shprehur krenare që do ta ketë mundësinë ta përfaqësojë Kosovën, ndërsa kryetari i Komitetit Olimpik të Kosovës, Ismet Krasniqi dhe kryetari i FSK-së, Milaim Kelmendi, vlerësuan lartë arritjen e kësaj marrëveshjeje.
“Faleminderit të gjithëve për mbështetjen e ngrohtë. Jam shumë krenare që në të ardhmen do ta përfaqësojë Kosovën në kërcime me ski. Dua t’i falënderoj edhe familjarët e mi dhe trajnerin dhe gjithë popullin e Kosovës sepse kam marrë mbështetje të madhe. Jam krenare që do ta përfaqësojë Kosovën në gara në gjithë botën”, është shprehur Sorschag.
