Korea e Jugut ka shtyrë fillimin e stinorit të ri të futbollit, pas përhapjes së rasteve me koronavirus në vend, shkruan AFP të hënën, transmeton Koha.net.
Vendimi për shtyrjen e fillimit të stinorit të ri në K-League është marrë të hënën. Përhapja e koronavirusit ka trazuar kalendarin sportiv në mbarë botën.
K-League, që është një nga ligat më të forta në Azi, ishte paraparë të niste këtë fundjavë. Po ashtu hapa të ngjashëm kanë marrë edhe ligat e volejbollit, basketbollit e hendbollit në Kore të Jugut, ndërsa numri i personave me koronavirus në Kore të Jugut është afro 900 dhe deri më tash janë regjistruar shtatë raste me fatalitet.
“K-League ka vendosur të shtyjë përkohësisht fillimin e stinorit 2020 derisa të zbutet përhapja e virusit. Kjo është masë për të mbrojtur shëndetin dhe sigurinë e qytetarëve dhe lojtarëve tanë. Është prioritet i yni”, është thënë në komunikatë të K-League.
Nuk ka pasur ndonjë njoftim nga Konfederata e Futbollit të Azisë, nëse shtyrja do të hyjë në fuqi edhe për ndeshjet e Ligës së Kampionëve të Azisë, ku marrin pjesë katër klube nga Korea e Jugut.
Edhe
Futbolli kthehet në Korenë e Jugut, pa festime dhe komunikim në fushë
K-League ka thënë se ka këshilluar klubet që të organizojnë ndeshjet pa shikues.
Rreth 2600 persona kanë humbur jetën në Kinë nga koronavirusi.
