Drejtues të Komitetit Olimpik Kombëtar të Shqipërisë janë nderuar për të ndarë medalje për sportistë të suksesshëm të Lojërave Evropiane "Minsk 2019". Por asnjë medalje nuk është ndarë për sportistët e Shqipërisë në këtë ngjarje shumësportëshe që përfundon të dielën.
Kjo në fakt nuk është ndonjë gjë e re për ekipin olimpik të Shqipërisë. Shqipëria është në pritje të medaljes së parë në ngjarjet e mëdha shumësportëshe si Lojërat Olimpike e Lojërat Evropiane.
Në Minsk, Komiteti Olimpik i Shqipërisë ka dërguar ekip prej 12 sportistëve. Boksieri Krenar Zeneli i është afruar medaljes më së shumti. 23-vjeçari boksoi në kategorinë bantam (deri 56 kilogramë) dhe është ndalur të mërkurën nga britaniku Peter McGrail me rezultatin 5:0. Britaniku ishte bindës në meçin që siguronte të paktën medaljen e bronztë. Në një të tetën e finales, Zeneli ka mposhtur zviceranin Tiago Pugno.
Në boks, Shqipëria kishte më së shumti sportistë. Alban Beqiri është ndalur në 1/8 e finales në kategorinë uelter (69 kg), pasi në meçin e parë kishte fituar ndaj një francezi. Mikel Cullhaj është ndalur në duelin e parë në kategorinë deri 81 kilogramë, njëjtë si Arjon Kajoshi në kategorinë e mesme (75 kg)... (Më gjerësisht lexoni në Koha Ditore)
