Bordi i Shoqatës për Mbrojtjen e të Drejtave të Futbollistëve të Kosovës, në takimin që ka mbajtur të martën me kapitenët e skuadrave të Superligës, ka ndërmarrë hapa konkretë për t’i dalë në ndihmë portierit të Trepçës ’89, Arben Beqiri, që është diagnostikuar me tumor në lukth.
Në njoftimin e SHMDF-së thuhet se është marrë vendim që Beqiri të ndihmohet financiarisht në mënyrë të organizuar. Gjithashtu, kjo shoqatë ka apeluar te të gjithë dashamirët e futbollit që t’i bashkohen kësaj nisme për të ndihmuar Beqirin në këtë betejë shëndetësore.
“Bordi i Shoqatës për Mbrojtjen e të Drejtave të Futbollistëve të Kosovës mbajti takimin informues me kapitenët e ekipeve të futbollit të Superligës së Kosovës, në lidhje me hapat konkretë që do t’i ndërmarrim për t’i dalë në ndihmë shokut dhe kolegut tonë Arben Beqiri, portier i klubit futbollistik Trepça ’89, i diagnostikuar me tumor në lukth. Në këtë takim u mor vendim që në mënyrë të organizuar ta ndihmojmë financiarisht Arbenin”, thuhet në njoftimin e shoqatës. Beqiri gjatë karrierës ka qenë pjesë e skuadrave, si Trepça, Drenica e Besa.
Me këtë të fundit ka fituar Kupën e Kosovës.
-
Beqiri: Ishte e pabesueshme kur mësova se kam tumor
-
Portierit të talentuar i amputohet këmba për shkak të kancerit
-
Klubet e Bundesligës me kampanjë të veçantë për të dashurën e lojtarit që vuan nga leukemia
-
37-vjeçari që fitoi betejën me kancerin, i pakalueshëm nga top-sulmuesit evropianë
-
Duka merr pozitë të rëndësishme në UEFA, Ademi merr “lëvdata e falënderime” nga veteranët dhe përfaqësuesit e klubeve