Shakhtar Donetsku ka evakuuar futbollistët brazilian në Rumani pas sulmeve të Rusisë ndaj Ukrainës. Ekipi nga Premier League e Ukrainës, ka punuar me UEFA-n për t’i larguar 12 futbollistët nga konflikti, i cili ka filluar të shpërndahet në gjithë territorin.
Shakhtari ka thënë se edhe dy ekipet tjera, Dynamo Kievi dhe Dnipro kanë arritur t’i largojnë futbollistët e huaj nga Ukraina.
“Duam të falënderojmë të gjithë ata që na ndihmuan dhe morën pjesë në këtë proces. Evakuimi i lojtarëve u bë i mundur falë ndihmës personale të presidentit të UEFA-s, Aleksander Çeferin, presidentit të Federatës së Futbollit të Ukrainës, Andrii Pavelko dhe presidentit të Federatës së Futbollit të Moldavisë, Leonid Oleinichenko”.
Shakhtari është lider në elitën e futbollit të Ukrainës por nuk e ka luajtur asnjë ndeshje që nga 11 dhjetori, si rezultat i pushimit të dimrit dhe pastaj pezullimit të rifillimit të kampionatit për shkak të sulmeve të Rusisë. Të hënën, FIFA dhe UEFA pezulluan klubet dhe përfaqësueset e Rusisë nga të gjitha garat deri në një njoftim tjetër.
-
“Zhdukja” e Shakhtarit, klubit më të suksesshëm ukrainas
-
UEFA vepron për kthimin e pjesshëm të ekipeve ruse dhe zyrtarëve rusë në futbollin evropian
-
Futbolli i Rusisë në rrezik për shkak të izolimit
-
Shakhtari ka hequr dorë nga trofetë, ndihmon ushtarët e plagosur dhe jetimët e luftës
-
Shakhtari dhe klubet ruse humbin rastet në CAS