Serena Williams ka konfirmuar se nuk do të marrë pjesë në Lojërat Olimpike që mbahen këtë verë në Tokio.
Muajin e kaluar, Williams kishte shprehur dyshime në lidhje me pjesëmarrjen e saj për shkak të kufizimeve të udhëtimit si masë parandaluese për koronavirusin dhe nëse kjo do ta pengonte atë ta merrte me vete vajzën e saj trevjeçare.
39-vjeçarja konfirmoi vendimin e saj për të mos marrë pjesë në Olimpiadë përpara Wimbledonit, që nis të hënën.
“Në të vërtetë nuk jam në listën olimpike, kështu që... Jo se jam e vetëdijshme. Nëse është kështu, atëherë nuk duhet të jem në Olimpiadë”, tha Williams.
“Ka shumë arsye që unë kam marrë vendimin tim”, ka thënë Williams, njofton të dielën “Sky Sports”.
Amerikania e ka fituar në vitin 2012 medaljen e artë në Lojërat Olimpike, ndërsa në total ka 73 tituj të ndryshëm në karrierë. Shtatë herë e ka fituar “Australian Open, tri herë “Franch Open”, gjashtë herë “Wibledonin” dhe gjashtë herë “US Open”
