Serbia dhe Gjokoviqi hyjnë në “Davis Cup” me këngë për Kosovën

Propaganda e Serbisë ka vazhduar të shpërfaqet edhe në sport. Ekipi serb i tenisit, i përbërë edhe nga Novak Gjokoviq, të enjten ka hyrë në çerekfinale të “Davis Cup” nën interpretimin e një kënge nacionaliste serbe për Kosovën.

“Le të valojë flamuri i Serbisë nga Prizreni deri në Rumi”, është një nga fjalitë e tekstit të këngës “Gëzo popull serb”.

Hyrja ka nxitur reagime të shumta në rrjetet sociale. Gjokoviqi njihet si nacionalist serb, që madje herën e fundit u doli në përkrahje pjesëtarëve të vrarë të grupit terrorist, që sulmuan Policinë e Kosovës në Banjskë të Zveçanit më 24 shtator.

Serbia ka pasur të përballet në çerekfinale me Britaninë e Madhe.