Futbollisti i Shqipërisë, Taulant Seferi, e ka shënuar golin e parë në elitën e futbollit të Ukrainës, me asistimin e Ardit Tolit. Edhe për Tolin ishte asistimi i parë sezonal.
Seferi e shënoi golin e fitores për skuadrën e Vorskla Potlavas.
Vorskla mposhti të shtunën në shtëpi Chornomorets Odessan, 2:1, në kuadër të xhiros së gjashtë të Premier Leagues së Ukrainës.
Seferi realizoi në minutën e 88-të, ndërsa u zëvendësua në minutën e dytë të shtesës. Toli hyri në lojë në minutën e 72-të. Te mysafirët në bankën rezervë ishte Realdo Fili.
Vorskla pas gjashtë ndeshjeve të luajtura ka shtatë pikë.
