Sulmuesi i Kosovës, Vedat Muriqi do të qëndrojë te skuadra e Lazios të paktën deri në fund të këtij sezoni. Qëndrimin e Muriqit te ekipi italian, e ka konfirmuar edhe trajneri i Lazios, Maurizio Sarri. Ai ka thënë se llogarit në shërbimet e Muriqit dhe për këtë arsye dëshiron ta mbajë në skuadër.
“Nuk e di nëse Fenerbahçe ka bërë ofertë sepse nuk jam drejtor sportiv. Megjithatë, unë dua që Vedati të mbetet në ekip. Nuk dua që ai të largohet”, ka insistuar Sarri.
Muriqi vitin e shkuar iu bashkua Lazios nga Fenerbahçe dhe me ekipin nga Serie A ka kontratë deri në vitin 2025.
Këtë edicion, Muriqi i ka regjistruar katër paraqitje për Lazion apo 57 minuta lojë në të gjitha garat.
