Qendërmbrojtësi i Kosovës, Amir Rrahmani, ka kompletuar dhe ka fituar tjetër ndeshje me skuadrën e Napolit në elitën e futbollit italian.
Napoli të shtunën fitoi në udhëtim te Salernitana me rezultatin 2:0, në kuadër të xhiros së 11-të të Serie A.
Giacomo Raspadorit, që luajti titullar në vend të Victor Osimhenit të lënduar, shënoi për 1:0 pas vetëm 13-të minutash lojë.
Tetë minuta para fundit realizoi edhe zëvendësuesi Eljif Elmas.
Napoli ngjitet në tabelë në pozitën e katërt me 21 pikë. Salernitana mbetet e fundit me vetëm katër pikë.
