Cristiano Ronaldo nuk do të jetë startues te Manchester Unitedi në ndeshjen kundër Liverpoolit, që zhvillohet sonte prej orës 21:00 në “Old Trafford” dhe i takon xhiros së tretë në Premier League.
“Sky Sports” ka raportuar se trajneri Erik ten Hag ka vendosur që Ronaldo të jetë në bankën e rezervistëve për këtë përballje, ndërsa vendin e tij do ta zë francezi Anthony Martial. Martial sapo është kthyer nga lëndimi dhe trajneri holandez i ka besuar vendin e titullarit pas paraqitjeve të mira që i pati në fazën përgatitore.
Po ashtu, titullar ndaj Liverpoolit nuk do të jetë as qendërmbrojtësi Harry Maguire.
Manchester Unitedi në dy ndeshjet e para kampionale ka regjistruar dy humbje, ndërsa Liverpooli ka dy barazime.
Artikuj të ngjashëm