Cristiano Ronaldo mund të kthehet në fushë për Juventusin të shtunën.
Ylli portugez është lënë jashtë përfaqësueses portugeze për ndeshjet kundër Polonisë dhe Skocisë shkaku i akuzave për sulm seksual ndaj një gruaje në Amerikë.
Menaxheri i Juventusit, Massimiliano Allegri, ka thënë se Ronaldo është gati të rikthehet në ekip për ndeshjen kundër Udineses, pasi kishte munguar në Ligën e Kampionëve shkaku i suspendimit.
“Në sulm do të jenë njëri prej Dybalas, Manxhukiqi dhe Ronaldo, ose mund të jenë të tre, varet se çfarë shoh nga stërvitja e sotme”, ka thënë Allegri.
“Mund të them se [Ronaldon] e njoh si person për këta tre muaj, por gjatë këtyre vjetëve kam parë se është person serioz, si në fushë ashtu edhe jashtë saj”.
