Cristiano Ronaldo dhe Luis Suarez po bëhen gati për të luajtur ndeshjen e parë për Portugalinë respektivisht Uruguain në Kupën e Botës në Katar.
Por të dy futbollistët tashmë kanë “status unik” në mesin e pjesëmarrësve në Botërorin në Katar. Janë të vetmit lojtarë në Botëror që nuk kanë skuadër.
Manchester Unitedi të martën mbrëma njoftoi për shkëputje të kontratës me yllin e madh. Shkëputja e kontratës, e bërë me marrëveshje të dyanshme, erdhi pas kritikave të mëdha të Ronaldos ndaj Unitedit në intervistën e javës së kaluar që bëri bujë të jashtëzakonshme.
Ndërkohë, Suarezi u largua nga Nacionali i Uruguait pas shpalljes kampion para pak jave.
Portugalia dhe Uruguai janë në të njëjtin Grup në Katar. Bashkë me ta janë edhe Gana e Koreja e Jugut.
