Sulmuesi francez, Kylian Mbappe, u ka thënë zyrtarëve të Paris Saint-Germainit se do të largohet nga skuadra në fund të edicionit, ka njftuar gazetari i njohur i sportit Fabrizio Romano në platformën “X”.
25-vjeçari pritet të transferohet nga kampioni i Ligue 1 te skuadra e madhe spanjolle, Real Madrid.
Për largimin e Mbappes është folur për një kohë të gjatë, ndërsa në verën e kaluar, ishte shumë afër një gjëje të tillë.
Madje, Mbappe ishte përjashtuar nga ekipi i parë dhe ishte lënë jashtë fazës përgaditore në Azi.
Megjithatë, më pas u arrit marrëveshja që PSG-ja dhe Mbappe ta vazhdojnë bashkëpunimit.
PSG-ja e ka për synim që të ndërtojë skuadër me të rinj.
Nga parisienët në fundin e edicionit të kaluar janë larguar edhe ylli argjentinas, Lionel Messi, dhe ai brazilian, Neymar.
Raportohet se Mbappe te PSG-ja përfiton 200 milionë euro në vit.
?? BREAKING: Kylian Mbappé has now informed PSG president Nasser Al Khelaifi that he will LEAVE the club as free agent.
— Fabrizio Romano (@FabrizioRomano) February 15, 2024
The terms of the departure are yet to be fully agreed but he will LEAVE Paris in the summer — Kylian has yet to fulfil his commitments to the club. pic.twitter.com/bD0ji3CTyA