Real Madridi vazhdon shkëlqimin në La Liga.
Të mërkurën mbrëma, Reali e ka mposhtur Elchen si mysafir me rezultatin 3:0. Kjo ndeshje i ka takuar xhiros së dhjetë të elitës së futbollit spanjoll.
Federico Valverde shënoi golin e parë në minutën e 11-të. Ai realizoi një gol të bukur me të majtën nga distanca.
Realit iu anuluan dy gola në pjesën e parë për pozitë jashtë loje.
Në të dytën, madrilënët shënuan edhe dy herë për të kompletuar triumfin e radhës.
Karim Benzema në minutën e 75-të dhe Marco Asensio një minutë para fundit, shënuan për Realin për fitoren e nëntë në dhjetë ndeshje.
Reali ka vetëm një barazim dhe është ekipi i vetëm pamposhtur në La Liga deri me tani. Ka 28 pikë. Elche është e fundit me vetëm tri pikë.
