Mesfushori Aurelien Tchouameni ka gjasa të largohet nga Real Madridi pas vetëm një sezoni në Spanjë. “Marca” shkruan të enjten se Reali tashmë ia ka caktuar çmimin francezit, i cili po kërkohet me ngulm nga skuadra e Liverpoolit.
Për ta lënë të lirë këtë verë 23-vjeçarin, Reali po kërkon 100 milionë euro. Te Liverpooli po e shohin Tchouamenin si përforcim të duhur për mesfushën dhe do të përpiqen t’i sigurojnë shërbimet e tij për sezonin tjetër.
Ai te Reali u transferua verën e shkuar nga Monaco për 80 milionë euro, por nuk është titullar i rregullt. Ka 3 asistime në 36 ndeshje të luajtura në të gjitha garat, ndërsa me Realin ka kontratë deri në vitin 2028.
Artikuj të ngjashëm