Rahoveci ka mposhtur Pejën për herë të dytë brenda pak ditëve. Të shtunën mbrëma në kuadër të xhiros së 24-t të Superligës, Rahoveci fitoi si vendas me shifrat 63:61.
Makol Mawien kishte shifrat më të mira te Rahoveci. Ai ndeshjen e mbylli me 14 pikë e 11 kërcime. Ivan Koleviq realizoi 14 pikë, shtatë kërcime e tetë asistime, kurse Fisnik Rugova kontribuoi me 15 pikë e 11 kërcime.
Te Peja, Darius Washington realizoi 17 pikë e gjashtë kërcime. Arian Qallakaj ndeshjen e mbylli me 12 pikë e 12 kërcime, ndërsa Calvin Godfray kontribuoi me 12 pikë e 13 kërcime.
Dardan Berisha realizoi vetëm katër pikë, ndërsa nuk qëlloi asnjë prej shtatë tentimeve për tri pikë.
Në fakt pejanët qëlluan vetëm tri prej 29 tentimeve për tri pikë.
Artikuj të ngjashëm