Juventusi është favorit për të siguruar shërbimet e mesfushorit francez Adrien Rabiot.
"Gazzetta dello Sport" ka raportuar të hënën se Juventusi është pranë marrëveshjes me 24-vjeçarin, e cila mund të zyrtarizohet gjatë kësaj jave.
Bëhet e ditur se Juventusi i ka ofruar Rabiotit kontratë katërvjeçare me pagë vjetore deri në shtatë milionë euro.
Rabiot në fund të këtij edicioni do të largohet nga PSG-ja, pasi i skadon kontrata.
Ai aktualisht është i suspenduar nga ekipi i parë për shkak të refuzimit të rinovimit të kontratës.
Rabiot këtë edicion ka regjistruar 20 ndeshje për PSG-në në të gjitha garat, duke shënuar dy gola dhe asistuar po aq herë.
