Siç ishte raportuar, Thomas Tuchel tashmë edhe zyrtarisht s’është trajner i Paris Saint-Germainit.
Kampioni francez ka konfirmuar se 47-vjeçari nuk është më pjesë e klubit.
Tuchel u largua nga ekipi vetëm katër muaj pasi e çoi në finalen e Ligës së Kampionëve, ku u mposht 1:0 nga Bayerni.
Ai ndihmoi PSG-në të fitojë titullin në Ligue 1, Kupën e Francës dhe Kupën e Ligës në sezonin e shkuar.
Në total, ai ka fituar gjashtë trofe për dy sezone, por e pësoi me vendin e punës pas startit të dobët në sezonin e ri.
Mauricio Pochettino është favoriti për të marrë këtë post.
