Paris Saint-Germaini i është bashkuar garës për mesfushorin e Manchester Unitedit, Paul Pogba.
Sipas “Daily Star”, trajneri Mauricio Pochettino e pëlqen francezin dhe dëshiron ta transferojë.
Pogba që nuk e ka vazhduar ende kontratën me “Djajtë e Kuq”, është përfolur se do të largohet.
Ai ka kontratë me klubin anglez deri në vitin 2022. Interesim për 27-vjeçarin ka shprehur edhe Juventusi.
