Prokuroria ngre kallëzim penal për lojtarin që shkaktoi ndërhyrje gjatë ndeshjes

Një ndërhyrje brenda fushës së lojës, mbase për herë të parë në histori të futbollit kosovar, ka përfunduar në gjykatë, shkruan sot Koha Ditore.

Futbollisti i Gjilanit, Gëzim Rusi, është marrë në pyetje nga policia për një ndërhyrje ndaj futbollistit të Lirisë, Albin Memaj, dhe rasti i tij është proceduar më tutje, me të cilin po merret prokurori i rastit në Gjykatën e Qarkut në Gjilan.

Rusi, që thotë se ishte vetëm një ndërhyrje e paqëllimshme, ishte përjashtuar nga gjyqtari i ndeshjes me karton të kuq, e më pas ishte suspenduar për të njëjtin edhe nga Federata e Futbollit e Kosovës për pesë ndeshje.

(Më shumë sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.