Futbollisti i Gjilanit, Gëzim Rusi, është dënuar me 5 ndeshje moslojë në të gjitha garat, për shkak të goditjes me grusht që i dha futbollistit të ri të Lirisë, Albin Memaj, raporton KTV.
Ky i fundit ka qëndruar për disa ditë në spitalin e Gjilanit, pasi lëndoi syrin nga ajo goditje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDënimin e ka shqiptuar Komisioni Disiplinor i Federatës së futbollit të Kosovës, pas ngjarjeve të xhirove të mëparshme të Vala Superligës.
Dënimeve nuk i kanë shpëtuar as portieri i Besës, Granit Kolshi dhe mbrojtësi i Lirisë, Fisnik Ramadanaj, të cilët janë pezulluar me nga 3 ndeshje.
Dënime, por me të holla, Komisioni Disiplinor ka shqiptuar për trajnerët dhe ndihmës-trajnerët e skuadrave të Superligës.
Kryetrajneri i Trepçës, Ajet Shosholli dhe ndihmësi i tij, Fidaim Haxhiu, janë gjobitur me nga 300 euro.
Njëjtë e kanë pësuar edhe ndihmës-trajneri i Feronikelit, Ramiz Dervishi dhe trajneri i portierëve te Liria, Bekim Bakaj.
Nga FFK-ja janë ndëshkuar edhe zyrtarët e ekipeve të Besës e Trepçë, ndërsa për shkak të lëshimeve në organizim, Trepçës ’89, Drenicës dhe Trepçës, i është dhënë vërejtja e fundit.