Dhjetëra mijëra marokenë të gëzuar kanë pritur lojtarët e Marokut, që shkëlqyen dhe tejkaluan gjitha pritjet në Kupën e Botës në Katar. Maroku arriti deri në gjysmëfinale, duke u bërë përfaqësuesja e parë afrikane që ‘preku” këtë fazë garash.
Lojtarët e Marokut të martën janë kthyer në vendin e tyre.
Tifozët pasionantë të Marokut kanë mbushur sheshet dhe janë rreshtuar përgjatë rrugëve të Rabatit derisa po kalonte autobusi që i barte yjet e futbollit. Tifozët kanë valëvitur flamuj kanë kërcyer dhe kanë brohoritur, derisa autobusi i lojtarëve po parakalonte, i përcjellë nga forca të mëdha të policisë.
Lojtarët e selektorit Walid Regragui kanë bërë me dorë, kanë puthur tifozët e entuziazmuar dhe kanë bërë shumë fotografi.
Në disa pjesë, autobusi ka pasur vështirësi të lëviz për shkak të numrit të madh të tifozëve që dolën në rrugë.
Mbreti Mohammed VI ka pritur lojtarët në pallatin e tij “për të festuar arritjen e madhe dhe historike”.
-
Tifozët marokenë presin mundësinë për një biletë falas të Botërorit
-
A mundet Maroku t’i revanshohet Francës për disfatën në “Katari 2022”?
-
Sukses historik i përfaqësueseve afrikane, nga dy në nëntë
-
Kthimi triumfal i Senegalit, mijëra njerëz në paradën e fitores
-
Maroku duhet të presë deri në shtator për ndeshje zyrtare