Prishtina nuk ka lejuar befasi në ndeshjen ndaj Dukagjinit. Të shtunën mbrëma në “Fadil Vokrri”, Prishtina fitoi 4:1 ndeshjen e xhiros së 25-të të Superligës së Kosovës në futboll.
Me këtë fitore Prishtina është kthyer në vend të dytë, të cilin e humbi më herët të shtunën nga Gjilani. Prishtina i ka 50 pikë, dy më pak se Drita. Gjilani renditet i treti me 48 pikë.
Ndërkohë Dukagjini është i fundit me vetëm 10 pikë nga 25 ndeshje.
Otto John (30’), Ahmed Januzi (68’), Meriton Korenica (85’) dhe Kreshnik Uka (88’) shënuan për Prishtinën. Altin Merlaku realizoi golin e vetëm për Dukagjinin në minutën e 43-të.
