Sulmuesi anësor Diego Perotti do t'i mungojë Romës dy muaj për shkak të një lëndimi muskulor, raportojnë mediumet italiane të hënën.
Perotti ka munguar të dielën në ndeshjen e xhiros së parë të Serie A që Roma e luajti me Genoan të dielën, ku barazoi 3:3.
Është konstatuar se ai ka lëndim muskulor në këmbën e majtë dhe ka nisur të marrë tretman. Pritet të mungojë gjashtë deri në tetë javë. Perotti 31-vjeçar pritet të humbas tetë ndeshje në ligë, përfshirë edhe përballjet me Lazion, Atalantan e Milanin, transmeton Koha Ditore.
Stinori 2018-19 ishte i vështirë për Perottin, pasi pati mjaft probleme muskulore. Ai u limitua në 15 paraqitje në të gjitha garat.
Artikuj të ngjashëm