Manuel Fernandes pritet të jetë përforcimi i parë i ekipit nga Serie A, Parma për edicionin e ri, përcjellin mediumet italiane të martën.
Mesfushori portugez ka arritur marrëveshje me Parman dhe së shpejti pritet të firmos kontratën dyvjeçare, transmeton Koha Ditore.
33-vjeçari, te ekipi italian do të transferohet si futbollist i lirë, pasi në fund të këtij muaji i skadon kontratë me Lokomotivën e Moskës.
Fernandes ka shënuar katër gola dhe ka shtatë asistime në 29 ndeshje për ekipin rus, pjesë e të cilit është prej vitit 2014.
Ai karrierë ka bërë edhe te Beshiktashi, Valencia, Evertoni, Benfica e Portsmouthi. Gjithashtu ka edhe 15 ndeshje e tri gola të shënuara me Portugalinë.
