Khabib Nurmagomedov e ka refuzuar ofertën prej 100 milionë dollarëve për t’u ballafaquar me boksierin Floyd Mayweather.
Kampioni i peshave të lehta në UFC, artet e përziera marciale, u pensionua nga ky sport me kërkesën e nënës, pasi i vdiq babai Abdulmanap vitin e kaluar.
Ai e ka mbajtur fjalën dhe ka refuzuar edhe disa oferta tjera nga presidenti i UFC-së, Dana White.
Luftëtari nga Dagestani u pensionua me rekordin e 29 fitoreve dhe asnjë disfate. Së fundmi e mposhti Justin Gaethje dhe e mbrojti titullin në tetor të vitit të kaluar.
Sipas menaxherit të Nurmagomedovit, Ali Abdelaziz, ka qenë një ofertë që ka mundur t’ia kthente mendimin atij. Duke folur në një emision me Mike Tysonin, Abdelaziz ka thënë se shuma me nëntë shifra i është ofruar Nurmagomedovit për t’u ballafaquar me legjendën e boksit, Mayweather, i cili tani po përgatitet për meçin zbavitës me Logan Paul.
-
Nurmagomedov, karrierën e sportistit e vazhdon në futboll
-
Nurmagomedov nuk do të kthehet në UFC
-
Arrihet marrëveshja, Mayweather do të përballet me Pacquiaon më 19 shtator
-
Khabib: Luftëtarët nga Dagestani vijnë, rrahin të tjetër dhe marrin paratë – amerikanët nuk e duan këtë
-
Khabibin e largojnë nga aeroplani, kompania merr përgjegjësinë