Ne “nuk do ta nënçmojmë” Kosovën, ka thënë selektori i kombëtares së Islandës në futboll, Heimir Hallgrimsson, para ndeshjes vendimtare në kuadër të kualifikimeve për Kampionatin Botëror të futbollit në vitin 2018 në Rusi, që zhvillohet nesër.
Pas fitores bindëse kundër Turqisë si mysafire me rezultat 3:0, në ndeshjen e zhvilluar pardje, Islanda pothuajse e ka siguruar pjesëmarrjen në garat përfundimtare të botërorit, raporton DPA nga Rejkjaviku.
“Ne kemi thënë në konferencën e parë për shtyp se ndeshja e fundit do të vendos se kush do të shkoj në Kampionatin Botëror”, tha Hallgrimsson.
Megjithqë kombëtarja e Kosovës është e fundit në Grupin I të kualifikimeve me vetëm një pikë të fituar, trajneri Hallgrimsson thotë se mysafirët nga Kosova kanë cilësi.
“Tri ndeshjet e fundit të tyre kanë treguar se sa larg ata kanë shkuar. Ata ishin në garë në të gjitha ndeshjet, i kishin gjasat e tyre dhe ky është një ekip që ne nuk do ta nënçmojmë”, tha Hallgrimsson për gazetën Morgunladid.
-
Selektori i Islandës pranon që Kosova ka lojtarë të mirë, por thotë se ekipi është i rëndësishëm
-
Hallgrimson: Ishim me fat që nuk morëm golin e dytë
-
Përzgjedhësi i Irlandës për ecurinë e Kosovës: Është me të vërtetë impresive
-
Gunnlaugsson: Rezultati 2:1 nuk është fundi i botës
-
Islandën do ta gëzonte edhe barazimi në Prishtinë