Biaggio Ali Walsh, nipi 24-vjeçar i njërit prej boksierëve më të mirë në histori, Muhammad Ali, ka shënuar tjetër ngritje në karrierën e tij.
Biaggio Ali Walsh tani ka katër fitore e një disfatë si amator në Artet Marciale të Përziera. Në Atlanta të premten mbrëma, Ali Walsh e nokautoi kundërshtarin e tij Travell Miller në raundin e parë.
Kur kishin mbetur edhe 1 minutë e 39 sekonda deri në fund të raundit të parë, Ali Walsh e detyroi Millerin të mbështetej në rrethojë dhe i dha disa grushte të forta.
Kundërshtari i tij u rrëzua dhe gjyqtari e ndali ndeshjen. Pasi e humbi meçin e tij të parë në Artet Marciale të Përziera si amator, Ali Walsh ka fituar katër ballafaqimet e tjera rresht.
Baggio ka vendosur të marrë rrugë tjetër prej gjyshit të tij dhe vëllait, Nicos, i cili është boksier po ashtu.
