Te Newcastle Unitedi janë të vendosur për ta transferuar mesfushorin e Lyonit, brazilianin Lucas Paqueta, gjatë kësaj vere. “The Times” ka bërë të ditur të enjten se ekipi anglez tashmë ka bërë ofertë zyrtare për shërbimet e Paquetas.
Për transferimin e tij, Newcastle i ka ofruar ekipit francez 60 milionë euro. Paqueta është i gatshëm të largohet nga Lyoni dhe te Newcastle po shihet si përforcim i madh për mesfushën.
24-vjeçari ishte njëri prej lojtarëve më të vlerësuar në Francë sezonin e fundit, të cilin e mbylli me 11 gola e shtatë asistime në të gjitha garat. Ai ka kontratë me Lyonin deri në verën e vitit 2025.
