Newcastle Unitedi ka shprehur interesim për mbrojtësin e krahut, Renan Lodin. Në fakt, “The Sun” raporton se Newcastle po e synon transferimin e brazilianit, të cilin po e sheh si përforcim të duhur për repartin e mbrojtjes.
Lodi ka treguar paraqitje të mira këtë edicion tek Atletico Madridi, ekip me të cilin ka kontratë deri në vitin 2025. Te Newcastle po besojnë se mund ta sigurojnë transferimin e Lodit këtë verë për një ofertë prej 30 milionë eurosh.
Lodi, i cili është reprezentues i Brazilit, këtë edicion ka katër gola e po aq asistime në 39 ndeshje për kampionin në fuqi të Spanjës në të gjitha garat.
