Autoritetet policore në Slloveni dhe Kroaci finalizuan një aksion të përbashkët ndaj një rrjeti kriminal që kishte në fokus sportin, e që ishte bërë problem në vitet e fundit me korrupsionin, bastet ilegale dhe tentativat për të manipuluar ndeshjet.
Harta e veprimit të sindikatës kriminale kishte përfshirë së fundmi edhe Serbinë, Maqedoninë dhe Republikën Çeke.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEUROPOL-i njoftoi se u realizuan kërkime në 13 banesa në vendndodhje të ndryshme, në Slloveni dhe në Kroaci, ndërsa u arrestuan 11 persona. Rrjeti kriminal kishte pjesë të veprimit edhe një platformë ilegale në internet, për të mbajtur baste në shuma të mëdha dhe për të shkëmbyer fondet me kompanitë e basteve aziatike, transmeton TCH.
Sipas EUROPOL-it, hetimi nisi në muajin mars, kur policia sllovene ra në gjurmët e një grupi të organizuar kriminal, që kishte tentuar të manipulonte disa gara sportive, me fokus kryesor futbollin.
“Kriminelët ishin pjesë e trukimit profesional të ndeshjeve, të faktuara në Serbi, Maqedoni dhe Çeki. Atyre u garantohej nga tregu aziatik një fitim i majmë, pasi dinin rezultatet që para nisjes së ndeshjeve. Paratë investoheshin më pas në biznese të ligjshme”, tha Sergio D’Orsi, specialist i korrupsionit sportiv në EUROPOL.