Ndeshja gjysmëfinale e plejofit për Kampionatin Evropian të futbollit mes Maqedonisë së Veriut dhe Kosovës pritet të luhet në fillim të shtatorit, me gjasë më 3 shtator, shkruan “Ekipa.mk”, transmeton Koha.net.
Vendimi për shtyrjen e ndeshjes deri në shtator është marrë gjatë një video-konference mes presidentit të UEFA-s, Aleksander Çeferin dhe përfaqësues të 55 federatave anëtare të UEFA-s.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë këtë takim është biseduar për një afat të ri për përfundimin e kampionateve nacionale, për ndeshjet e përfaqësueseve e po ashtu edhe për vazhdimin e garave në Ligën e Kampionëve dhe Ligën e Evropës. Liga e Kampionëve dhe Liga e Evropës pritet të vazhdojë deri në gusht.
Plejofi për Evropianin që është shtyrë për një vit, do të mbahet në fillim të shtatorit.
Është hera e dytë që shtyhet ndeshja, e paraparë të luhet në Shkup. Fillimisht ishte paraparë të mbahej më 26 mars e më pas më 4 qershor. UEFA pritet gjatë ditës të kumtojë gjitha vendimet.