NBA-ja porosit klubet të presin për vaksinë

NBA-ja u ka dërguar mesazh ekipeve që t’i ndjekin me kujdes të lartë udhëzimet e zyrtarëve të shëndetit publik kur bëhet fjalë për vaksinimet për Covid-19, raporton ESPN.

Në lajmërimin e dërguar të enjten është thënë se liga e basketbollit do t’i vaksinojë lojtarët dhe anëtarët tjerë të ekipeve në përputhje me kohën dhe përparësitë e caktuara nga udhëzimet e shëndetit publik.

Përjashtimet do të lejohen për stafin mjekësor të ekipit, për anëtarët në moshë të skuadrave si dhe të tjerët që mund të kenë komplikime të mëdha në rast të prekjes nga Covid-19.