Mustafi, viktimë e plaçkitjes

Futbollisti i Levantes, Shkodran Mustafi, ishte viktimë e një sulmi në shtëpinë e tij të dielën e kaluar mbrëma, kur mbrojtësi ndodhej brenda ndërtesës, raporton “levante-emv.com”. Tre persona të maskuar hynë në shtëpi dhe sekuestruan gjëra në vlerë afro një milion euro, përfshirë para, bizhuteri e gjësende të tjera. Sulmuesit nuk kanë ushtruar dhunë kur futbollisti u gjend në një kat tjetër të shtëpisë dhe u larguan me nxitim kur Mustafi e kuptoi grabitjen.

Garda civile po përpiqet të gjejë dhe të identifikojë autorët e kësaj grabitjeje për të kuptuar nëse bëhet fjalë për anëtarë të një organizate shëtitëse që ka bastisur shtëpitë e futbollistëve të tjerë pak kohë më parë, duke përfituar nga ditët e ndeshjeve, apo nëse ata janë kriminelë në këtë zonë. Me sa duket, hajdutët kanë hyrë në shtëpinë e Mustafit duke e shtyrë me forcë dritaren e njërit prej ballkoneve të shtëpisë, pasi kanë hyrë në parcelë përmes fushës së golfit që ndodhet pas shtëpisë.

Futbollisti, mjaft aktiv në rrjetet sociale, shfaqet në disa fotografi në shtëpinë e tij, të cilat do t'u kishin dhënë sulmuesve të dhënat e nevojshme për vendndodhjen e shtëpisë dhe aksesin e mundshëm përmes një gardhi të thjeshtë që e ndan atë nga fushat e golfit që ndodhen pranë. Me sa duket, hajdutët kanë qenë brenda ndërtesës për gjysmë ore dhe gjatë kësaj kohe kanë plaçkitur shtëpinë pa e vënë re Mustafi prezencën e tyre deri pak para se të iknin. Futbollisti i Levantes ka bërë tashmë denoncimin përkatës, në të cilin raporton vjedhjen e bizhuterive, çantave, orëve dhe parave, të gjitha në vlerë prej afro një milion eurosh.