Mallorca ka stërvitur të enjten gjatë ditës dhe është duke u bërë gati për duelin e vështirë në “Santiago Bernabeu” kundër Real Madridit. Ndeshja mes Real Madridit e Mallorcas luhet më 3 janar në orën 19:15, por në fushë nuk pritet të jetë Vedat Muriqi.
Sulmuesi i Kosovës, ndonëse i është bashkuar në stërvitje pjesës tjetër të grupit të enjten, nuk do të mund të arrijë ta lërë pas lëndimin që e mori me fanellën e Kosovës në ndeshje kualifikuese për “Euro 2024”. Kështu ka shkruar mediumi “Marca”.
Muriqi u lëndua në fitoren 1:0 kundër Izraelit në stadiumin “Fadil Vokrri” më 12 nëntor. Sulmuesi shtatlartë madje asistoi në atë ballafaqim për Milot Rashicën në minutën e 41-të, por u zëvendësua në minutën e 66-të shkaku i lëndimit të rëndë në pulpën e këmbës së majtë.
Ai punoi me pjesën tjetër të grupit në “Son Bibiloni”, por jo me intensitet të lartë.
“Marca” ka shkruar tutje se rikthimi i Muriqit në fushën e lojës mund të bëhet më 13 janar, në duelin kundër Celta Vigos, në kuadër të xhiros së 20-të të La Ligas.
Edhe
Muriqi kthehet të mërkurën në stërvitje
Pas stërvitjes së lehtë në fushën e gjelbër, Muriqi ka vazhduar përgatitjet në palestër.
Në edicionin aktual të La Ligas, Muriqi me Mallorcan ka realizuar katër gola dhe ka kontribuuar me dy asistime në 12-të paraqitje.
Muriqi 29-vjeçar ka 51 paraqitje për Kosovën dhe ka kontribuuar me 26 gola e gjashtë asistime.
Në kualifikimet e fundit të Evropianit shënoi tri gola dhe pati një asistim në shtatë ndeshje.
Edhe
Edicioni i ëndrrave i Muriqit rrezikon të kthehet në dështim për Mallorcan
Primeres imatges de Vedat Muriqi a la gespa de Son Bibiloni després de la lesió patida a mitjans de Novembre
— 21mallorca (@testimmallorca) December 28, 2023
El davanter del @RCD_Mallorca només ha estat uns minuts a la gespa i després s'ha retirat al gimnàs per continuar la recuperació
Via @EsportsIB3
pic.twitter.com/woqs4buJFB
