Sulmuesi Vedat Muriqi do t’i bashkohet Mallorcas në stërvitje të mërkurën.
Sulmuesi i Kosovës mungoi në ushtrimet e së martës për shkak të mavijosjes në fytyrë dhe lëndimit të gishtit në ndeshjen ndaj Gironas, fundjavën e kaluar.
Mallorca luan në udhëtim të dielën kundër Rayo Vallecanos në kuadër të La Ligas. Muriqi do t’i prijë sulmit të Mallorcas. Ai të dielën ndaj Gironas shënoi golin e dhjetë në La Liga këtë edicion.
